Një moment i tensionuar u shënua në raundin e gjashtë të turneut prestigjioz ‘Norway Chess 2025’, ku supertalenti indian Gukesh Dommaraju, kampioni aktual i botës, mposhti për herë të parë në një lojë klasike legjendën norvegjeze Magnus Carlsen, aktualisht i renditur si numri një në botën e shahut.
Humbja shkaktoi një reagim të pazakontë nga Carlsen, i cili në përfundim të lojës goditi tavolinën me grusht, në një shenjë frustrimi.
Ai i shtrëngoi dorën Gukeshit në mënyrë të shkurtër dhe u largua menjëherë nga salla, pa dhënë deklarata.
Më vonë, përmes një reagimi zyrtar, ai kërkoi falje për sjelljen e tij.
Fitorja e Gukeshit përforcon më tej pozicionin e tij si kampioni më i ri në historinë e shahut botëror, titull që e mori në dhjetor të vitit 2024.
Ndërkohë, përkundër humbjes, Carlsen vazhdon të mbajë vendin e parë në renditjen e përgjithshme të turneut. /FaktX/
Lexo po ashtu
Kjo është rruga e Lando Norris – një udhëtim që dikur perceptohej me dyshim, por sot lexohet si kapitulli i Lexo më shumë
Në botën e tenisit ka kampionë që mbahen mend për trofetë dhe rekordet, dhe ka ata që fitojnë zemrat e Lexo më shumë