Një incident i pazakontë raportohet se ka ndodhur në mesin e prillit në Shtëpinë e Bardhë, ku kanë qenë të përfshirë Elon Musk dhe Sekretari i Thesarit, Scott Bessent.
Sipas raportimeve, tensionet verbale kaluan në përplasje fizike pas një takimi me presidentin Donald Trump.
Siç thuhet më tej, sherri nisi pasi Bessent akuzoi publikisht Musk për dështim në përmbushjen e objektivave të agjencisë DOGE – Departamenti i Efikasitetit të Qeverisë – një strukturë e re e krijuar ekskluzivisht për Musk nga Trump në fillim të mandatit të tij të dytë.
Bessent thuhet ta ketë quajtur Musk “mashtrues” për moszbardhjen e 1 trilion dollarëve në shpenzime të panevojshme federale, ashtu siç kishte premtuar.
Musk, sipas dëshmive të brendshme, reagoi duke e shtyrë me shpatull Sekretarin, duke shkaktuar një përplasje fizike “si në ragbi” që kërkoi ndërhyrjen e stafit për t’i ndarë.
Presidenti Trump thuhet se e ka vlerësuar ngjarjen si “të tepruar” dhe ky incident theksohet se ka “shtuar tensionet” midis tij dhe Musk.
Kujtojmë se Musk filloi të kritikonte publikisht projektligjin e ri të Trump, i cili përfshin ulje të mëtejshme taksash, rritje të buxhetit për mbrojtjen dhe sigurinë kufitare, dhe shkurtime në programet sociale si Medicaid.
Në një postim të fshirë më vonë, Musk e quajti projektligjin “ekonomikisht i papërgjegjshëm”, duke paralajmëruar se do të rriste borxhin kombëtar.
Ai madje sugjeroi nevojën për një forcë të re politike në SHBA që “të përfaqësojë shumicën e heshtur të amerikanëve në qendër”.
Tensionet mes dy figurave kulmuan më tej kur Musk sugjeroi se Trump nuk do të kishte fituar zgjedhjet e vitit 2024 pa mbështetjen e tij financiare.
Në përgjigje, Trump kërcënoi me ndërprerjen e kontratave qeveritare me kompanitë e Musk, përfshirë SpaceX dhe Tesla, duke e quajtur atë “të çmendur” dhe duke paralajmëruar “pasoja serioze” nëse do të mbështeste rivalët politikë.
Megjithëse Musk ka filluar të zbusë tonin publikisht dhe ka fshirë disa nga komentet e tij më të ashpra, marrëdhënia e tij me administratën Trump mbetet në një pikë kritike. /Telegrafi/
Lexo po ashtu
Ushtria gjermane, Bundeswehr, do të ketë nevojë për rreth 50,000 deri në 60,000 trupa shtesë për të përmbushur kërkesat e Lexo më shumë
Në një ceremoni në selinë e Unionit Afrikan, Bill Gates njoftoi se fondacioni i tij do të mbështesë masivisht projektet Lexo më shumë
Gjatë takimit të tyre të parë zyrtar në Zyrën Ovale, kancelari gjerman Friedrich Merz i dhuroi presidentit të SHBA-së, Donald Lexo më shumë
Një lloj i ri i coronavirusit, i përcaktuar si NB.1.8.1 dhe i njohur jozyrtarisht si Nimbus, është zbuluar edhe në Lexo më shumë