Grupi i famshëm britanik Coldplay ka kryesuar listën e artistëve me më shumë fitime nga koncertet live në vitin 2025.
Ata kanë arkëtuar rreth 118 milionë euro deri tani nga turneu i tyre botëror “Spheres”, që u ka sjellë mesatarisht 5.7 milionë euro për çdo shfaqje.
Në vendin e dytë renditet Shakira, me të ardhura prej 100.3 milionë euro, ndjekur nga Kendrick Lamar dhe SZA, me 87.2 milionë euro.
The Eagles renditen të katërtit me 81.2 milionë euro, shkruan DailyMail.
Grupi koreano-jugor Seventeen nuk mbetet pas, duke fituar 80.8 milionë euro, ndërsa Trans-Siberian Orchestra ka gjeneruar 59.7 milionë euro.
Tyler, The Creator ndodhet në vendin e shtatë me 58.4 milionë euro, dhe Dead & Company me 53.8 milionë euro.
Top 10-shen e mbyllin J-Hope me 52.2 milionë euro dhe Beyoncé me 52 milionë euro.
Sa i përket artistëve britanikë dhe irlandezë, Sir Paul McCartney zë vendin e dytë pas Coldplay me 27.4 milionë euro.
Iron Maiden kanë arkëtuar 23.7 milionë euro, ndërsa Dua Lipa ka fituar 18.2 milionë euro dhe Charli XCX po ashtu 16.3 milionë euro.
The Script ndajnë të njëjtën shifër me Charli XCX, ndërsa Simply Red kanë siguruar 11.8 milionë euro.
Rod Stewart ka gjeneruar 10.9 milionë euro dhe Sam Fender 10.4 milionë euro.
Në fund të listës renditen Sting dhe Billy Joel, me nga 7.1 milionë euro secili.
Të dhënat janë përpiluar nga firma e analizave të muzikës Pollstar, duke analizuar të ardhurat nga koncertet live mes datave 14 nëntor 2024 dhe 14 maj 2025.
Raporti vë në dukje një rritje të dukshme në tregun e performancave live, me të ardhurat mesatare për koncert që janë rritur me 24.9%, ndërsa shitjet e biletave janë rritur me 32.1%, përkundër një rënie të çmimit mesatar të biletave nga 110 € në 104 €. /FaktX/
Lexo po ashtu
Ish-kapiteni i Anglisë, David Beckham, më në fund është nderuar me titullin “Sir”, pas vitesh pritjeje dhe pengesash që e Lexo më shumë
Prishtina po përgatitet për një mbrëmje të paharrueshme, teksa Armend Rexhepagiqi, ikona e muzikës shqiptare, do të rikthehet fuqishëm para Lexo më shumë
Festivali “Zurich Shqip Up Comedy Festival” ka publikuar së fundmi një video përmbledhëse të edicionit të katërt, i cili u Lexo më shumë
MrBeast, YouTuber-i më i ndjekur në botë me mbi 450 milionë abonentë, ka hapur një park argëtimi të përkohshëm në Lexo më shumë