Liverpool ka kompletuar transferimin e mesfushorit ofensiv të Bayer Leverkusenit, Florian Wirtz, për një shumë rekord si në historinë e klubit, ashtu edhe të Premier League.
Gjermani 22-vjeçar ka firmosur një kontratë që do ta mbajë në “Anfield” deri në qershor të vitit 2030.
Sipas raporteve, marrëveshja kap vlerën e 125 milionë eurove fillestare, me 15 milionë euro bonuse të arritshme dhe deri në 10 milionë euro të tjera bonuse “më të vështira”, duke e çuar totalin potencial në 150 milionë euro.
Kjo e bën Wirtz:
- Lojtarin më të shtrenjtë në historinë e Premier League
- Gjermanin më të shtrenjtë ndonjëherë
- Shitjen më të shtrenjtë në historinë e Bayer Leverkusen dhe Bundesligës
Ky transferim gjithashtu e vendos Wirtz në vendin e gjashtë në listën e transferimeve më të shtrenjta në historinë e futbollit, dhe nëse përmbushen të gjitha klauzolat, ai do të ngjitet në vendin e tretë.
Për krahasim, Leverkusen më parë kishte shitur Kai Havertz për 80 milionë euro te Chelsea në vitin 2020, ndërsa ky i fundit kaloi te Arsenal për 75 milionë euro në vitin 2023.
Pra, vetëm marrëveshja për Wirtz është pothuajse sa vlera e kombinuar e dy transferimeve të Havertz.
Liverpool ka arritur më në fund një marrëveshje pas disa ofertave që ishin refuzuar nga Leverkusen, i cili insistoi në vlerën e plotë të lojtarit që ndihmoi klubin të fitonte titullin e parë në historinë e Bundesligës sezonin e kaluar. /FaktX/
Lexo po ashtu
Zbulohet vlera tronditëse e tregut të Lamine Yamal – ai është lojtari më i shtrenjtë në futboll tani Lamine Yamal Lexo më shumë
Një moment i tensionuar u shënua në raundin e gjashtë të turneut prestigjioz ‘Norway Chess 2025’, ku supertalenti indian Gukesh Lexo më shumë
Cristian Chivu është zyrtarisht trajneri i ri i Interit, duke marrë drejtimin e skuadrës pas largimit të Simone Inzaghit, i Lexo më shumë
Trajneri i Manchester Cityt, Pep Guardiola, ka folur para Kupës së Botës për Klube rreth besimit që gëzon nga drejtuesit Lexo më shumë