Miliarderi i teknologjisë Elon Musk ka thënë se Inteligjenca Artificiale dhe robotika humanoide do të riformësojnë në mënyrë dramatike shoqërinë globale, duke parashikuar një të ardhme në të cilën “puna bëhet opsionale” dhe “paratë nuk do të jenë më të rëndësishme”.
Këto deklarata ai i ka bërë në Forumin e Investimeve SHBA-Arabia Saudite në Uashington.
Kështu, ai parashikoi se brenda një “periudhe afatgjate”, të cilin e përcaktoi si 10 deri në 20 vjet, puna tradicionale do të bëhet e panevojshme për shumicën e njerëzve.
“Parashikimi im është se puna do të jetë opsionale”, tha ai. “Do të jetë si të luash sport ose një lojë video… mund të shkosh në dyqan dhe të blesh perime, ose mund t’i rritësh ato në oborrin tënd. Është shumë më e vështirë, por disa njerëz ende e bëjnë këtë sepse u pëlqen të kultivojnë perime. Kështu do të jetë puna – opsionale”.
Veç kësaj, sipas tij, “duke supozuar se ka një përmirësim të vazhdueshëm në Inteligjencën Artificiale dhe robotikë, gjë që duket e mundshme, paratë nuk do të jenë më të rëndësishme në një moment në të ardhmen”.
Musk, i cili drejton kompani, duke përfshirë prodhuesin e makinave elektrike Tesla, prodhuesin e raketave SpaceX dhe startup-in e Inteligjencës Artificiale xAI, tha se shoqëria duhet të përgatitet për ndryshime strukturore ndërsa teknologjia përparon.
Musk njoftoi gjithashtu se xAI do të bashkëpunojë me kompaninë Humain të mbështetur nga shteti saudit për të ndërtuar një qendër të madhe të dhënash në mbretëri, e cila do të fuqizohet nga deri në 500 megavat energji elektrike, më e madhja e kompanisë jashtë SHBA-së.
Projekti, i zhvilluar në bashkëpunim me Nvidia, u përfshi në një paketë më të gjerë marrëveshjesh ushtarake dhe teknologjike të zbuluara gjatë vizitës së Princit të Kurorës Mohammed bin Salman në Uashington. /FaktX/
Lexo po ashtu
OpenAI blen startup-in e pajisjeve të Inteligjencës Artificiale nga dizajneri i famshëm i iPhone, Jony Ive, për gati 6.5 miliardë Lexo më shumë
Një incident i pazakontë raportohet se ka ndodhur në mesin e prillit në Shtëpinë e Bardhë, ku kanë qenë të Lexo më shumë
iPhone Air, iPhone 17, iPhone 17 Pro dhe iPhone 17 Pro Max u bënë të disponueshëm dhe tashmë kemi videon Lexo më shumë
Google ka paralajmëruar miliarda përdorues të telefonave inteligjentë për rrezikun që llogaritë e tyre bankare të boshatisen nëse lidhen me Lexo më shumë