Miliarderi Elon Musk është vënë në qendër të vëmendjes pasi është parë në një komunikim me një nga të pranishmit tjerë gjatë banketit të Donald Trump në nder të princit të kurorës saudite, Mohammed bin Salman.
Sipas një “lexueseje të buzëve” që analizoi videon për Daily Mail, Musk iu drejtua CEO-s së Pfizer, Albert Bourla, duke e pyetur nëse ai mendonte se princi ishte “terrorist”.
Bourla u duk i habitur nga pyetja, ndërsa media britanike e cilësoi këtë si “lojë me zjarrin”.
Banketi ishte vizita e parë e princit në Shtëpinë e Bardhë në shtatë vjet, pas tensioneve të shkaktuara nga vrasja e gazetarit Jamal Khashoggi në vitin 2018.
Ngjarja mblodhi emra të njohur nga politika, sporti dhe biznesi, përfshirë Cristiano Ronaldon, Tim Cook, Jensen Huang dhe drejtues të tjerë të korporatave të mëdha.
Trump, i pyetur për lidhjet e princit me vrasjen e gazetarit, u përgjigj duke thënë se “gjerat ndodhin” dhe se bin Salman “nuk dinte asgjë për këtë”. /FaktX/
