Cristian Chivu është zyrtarisht trajneri i ri i Interit, duke marrë drejtimin e skuadrës pas largimit të Simone Inzaghit, i cili u largua pas katër sezonesh në krye të “Nerazzurrëve”.
Ish-mbrojtësi rumun ka firmosur një kontratë dyvjeçare që do ta mbajë në “San Siro” deri në fund të sezonit 2026/2027.
Chivu rikthehet te Interi pas një aventure të shkurtër me Parmën në Serie A, ku arriti të sigurojë mbijetesën në javën e fundit të kampionatit 2024/2025.
Pas këtij suksesi modest, 44-vjeçari i dha lamtumirën klubit parmexhian, i cili e konfirmoi largimin e tij.
The start of a new chapter 📖#ForzaInter #WelcomeCristian pic.twitter.com/pRehWHgj6H
— Inter ⭐⭐ (@Inter_en) June 9, 2025
I njohur mirë për tifozët zikaltër, Chivu e mbylli karrierën si futbollist pikërisht te Interi dhe e nisi karrierën e trajnerit në strukturat e klubit, duke udhëhequr ekipet U14, U17, U18 dhe më pas skuadrën Primavera nga viti 2018 deri në vitin 2024.
Pas një eksperience të shkurtër por të vlefshme te Parma, ai rikthehet në Milano për të marrë drejtimin e ekipit të parë.
“FC Internazionale Milano ka kënaqësinë të mirëpresë Cristian Chivu si trajnerin e ri të skuadrës së parë,” thuhet në deklaratën zyrtare të klubit.
Kontrata e tij është e vlefshme deri më 30 qershor 2027. /FaktX/
Lexo po ashtu
Zbulohet vlera tronditëse e tregut të Lamine Yamal – ai është lojtari më i shtrenjtë në futboll tani Lamine Yamal Lexo më shumë
Një moment i tensionuar u shënua në raundin e gjashtë të turneut prestigjioz ‘Norway Chess 2025’, ku supertalenti indian Gukesh Lexo më shumë
Trajneri i Manchester Cityt, Pep Guardiola, ka folur para Kupës së Botës për Klube rreth besimit që gëzon nga drejtuesit Lexo më shumë
Franco Mastantuono, talenti 17-vjeçar nga Azul, Buenos Aires (lindur më 14 gusht 2007), i bashkohet Real Madridit. Dhe sipas mediave Lexo më shumë