Ish-kapiteni i Anglisë, David Beckham, më në fund është nderuar me titullin “Sir”, pas vitesh pritjeje dhe pengesash që e vonuan këtë vendim.
Në deklaratën e tij, Beckham u shpreh “jashtëzakonisht krenar” që i jepet ky nderim, duke theksuar se “kurrë nuk e kishte imagjinuar” që do të arrinte diçka të tillë, ndërsa falënderoi familjen dhe përmendi me respekt origjinën e tij nga Londra Lindore.
Një dekadë më parë, emri i tij u la jashtë listës, pasi u raportua se ai ishte bllokuar nga autoritetet për arsye të çështjeve fiskale.
Më vonë, email-e të publikuara zbuluan edhe zhgënjimin që Beckham pati ndaj vendimit të komisionit të nderimeve.
Ish-futbollisti, i vlerësuar për kontributin e tij si sportist, por edhe për angazhimin bamirës, veçanërisht me organizata si UNICEF dhe Malaria No More, ishte dekoruar më herët me OBE, që në vitin 2003.
“Të luaja për vendin tim ishte një ëndërr. Ky titull është nder i thellë që e ndaj me familjen time. Jam krenar që kam shërbyer përmes sportit dhe bamirësisë”, u shpreh Beckham. /FaktX/
Lexo po ashtu
Prishtina po përgatitet për një mbrëmje të paharrueshme, teksa Armend Rexhepagiqi, ikona e muzikës shqiptare, do të rikthehet fuqishëm para Lexo më shumë
Grupi i famshëm britanik Coldplay ka kryesuar listën e artistëve me më shumë fitime nga koncertet live në vitin 2025. Lexo më shumë
Festivali “Zurich Shqip Up Comedy Festival” ka publikuar së fundmi një video përmbledhëse të edicionit të katërt, i cili u Lexo më shumë
MrBeast, YouTuber-i më i ndjekur në botë me mbi 450 milionë abonentë, ka hapur një park argëtimi të përkohshëm në Lexo më shumë