Andrew Bosworth, drejtori i Teknologjisë së Informacionit në Meta, ka shuar pritshmëritë e larta për syzet inteligjente, duke thënë se ato nuk pritet të zëvendësojnë telefonat inteligjentë në një të ardhme të afërt.
Në një intervistë në samitin “Bloomberg Tech” në San Francisko, Bosworth theksoi se telefoni mbetet një pajisje tejet praktike dhe e integruar në jetën tonë të përditshme.
“Është gabim të mendohet se telefonat do të dalin nga përdorimi. Janë shumë të fuqishëm, të lehtë për t’u përdorur dhe kanë një ekosistem softuerik tepër kompleks që lidhet natyrshëm me botën përreth nesh”, citohet të ketë thënë.
Sipas tij, kalimi drejt syzeve inteligjente është një proces i gjatë dhe kërkon kohë që përdoruesit të adoptojnë diçka kaq të re në mënyrë masive.
Gjatë intervistës, Bosworth foli edhe për kufjet Vision Pro të Apple, të cilat i cilësoi si një arritje mbresëlënëse inxhinierike.
Megjithatë, ai vuri në dukje se pesha e pajisjes është një nga gabimet që e dëmton përvojën e përdoruesit.
“Është produkti i parë në një linjë të re, dhe kjo është gjithmonë sfiduese. Pesha dhe balanca janë pika që do të përmirësohen vetëm me kalimin në gjeneratat e ardhshme”, shtoi ai.
Këto qëndrime janë në linjë edhe me atë që ka shprehur më herët CEO i Meta-s, Mark Zuckerberg, i cili në një intervistë me The Verge tha se nuk pret që njerëzit të heqin dorë nga telefonat së shpejti. /FaktX/
Lexo po ashtu
OpenAI blen startup-in e pajisjeve të Inteligjencës Artificiale nga dizajneri i famshëm i iPhone, Jony Ive, për gati 6.5 miliardë Lexo më shumë
Ky Chevrolet C20 i vitit 1970 duket si një kamionçinë e vjetër. Por në të vërtetë, brenda kësaj makine, fshihet Lexo më shumë
Një Mercedes-Benz E550 4Matic i vitit 2011, i njohur për motorin e fuqishëm 5.5 litër V8 dhe tiparet luksoze si Lexo më shumë
HOLY CRAP ITS A #ROBOTAXI!!@SawyerMerritt @WholeMarsBlog @DirtyTesLa @niccruzpatane pic.twitter.com/slfAsu0AQl— Terrapin Terpene Col (@TerrapinTerpene) June 10, 2025