Legjenda e Barcelonës, Lionel Messi, ka ndarë dy prej kujtimeve më të veçanta të karrierës së tij me fanellën blaugrana, duke theksuar se periudha në Katalonjë mbetet më e rëndësishmja në jetën e tij si futbollist dhe si njeri.
Sipas mediave të huaja, 38-vjeçari, që sot luan për Inter Miami, ka fituar pjesën më të madhe të trofeve të tij në “Camp Nou”, duke u bërë lojtari më i dekoruar në historinë e futbollit.
Në një intervistë për Sport, e realizuar pak para kthimit të tij të bujshëm në Barcelonë “në fshehtësi”, Messi tregoi se zgjedhja e vetëm një kujtimi nga koha e tij me katalanasit është thuajse e pamundur.
“Është e vështirë të zgjedh vetëm një. Faleminderit Zotit që kam qenë me fat të përjetoj kaq shumë momente. Zakonisht kur flasim për lumturinë mendojmë për titujt, për arritjet. Por gjashtëshja e parë me Guardiolën ishte e jashtëzakonshme, ashtu si Liga e fundit e Kampionëve me Luis Enriquen. Nuk e di, është e vështirë të zgjedh vetëm një moment”, ka thënë Messi.
Messi shtoi se lidhja e tij me shkon përtej fushës së lojës.
“Duke qenë pjesë e këtij klubi, duke ardhur si fëmijë dhe duke kaluar gjithë jetën time në Barcelonë, jam mirënjohës ndaj Zotit që më solli këtu. Jam mirënjohës që fëmijët e mi kanë lindur në këtë qytet. Ka kaq shumë gjëra për t’u çmuar, jo vetëm në klub, por edhe në qytet”, ka thënë Messi me nostalgji.
Edhe pse tashmë ndodhet në Shtetet e Bashkuara, ylli argjentinas pranoi se vazhdon ta ndjekë Barcelonën me pasion.
“Po, padyshim. Akoma më shumë tani që jemi disa prej nesh bashkë, Suarez, Busquets, Alba dhe gjithmonë flasim për klubin, rezultatet dhe ndeshjet”, përfundoi ai.
Vizita e fundit e Messit në Barcelonë ka ringjallur sërish thashethemet për një rikthim të mundshëm në një rol tjetër në të ardhmen, megjithëse mbetet e paqartë nëse tifozët do ta shohin ndonjëherë përsëri duke luajtur në ‘Camp Nou’. /Telegrafi/
Lexo po ashtu
Zbulohet vlera tronditëse e tregut të Lamine Yamal – ai është lojtari më i shtrenjtë në futboll tani Lamine Yamal Lexo më shumë
Cristian Chivu është zyrtarisht trajneri i ri i Interit, duke marrë drejtimin e skuadrës pas largimit të Simone Inzaghit, i Lexo më shumë
Trajneri i Manchester Cityt, Pep Guardiola, ka folur para Kupës së Botës për Klube rreth besimit që gëzon nga drejtuesit Lexo më shumë
Franco Mastantuono, talenti 17-vjeçar nga Azul, Buenos Aires (lindur më 14 gusht 2007), i bashkohet Real Madridit. Dhe sipas mediave Lexo më shumë